Nola irabazi dirua Musu truk zure sortzeko askatasuna kutsatu gabe
Historian sekula ez da egon arte-lana sustatzeko gaur egun adina faktore: gero eta balorazio handiagoa jasotzen du pertsonen, erakundeen eta enpresen aldetik, eta, era berean, errentagarritasuna handitu da inplikatutako alde guztientzat. Baina… hori bateragarria al da sormen-askatasunarekin? Egia al da diruak Artea galbideratzen duela eta sortzaileek beren esentzia galtzen dutela?
Hitzaldi motibatzaile eta interaktibo honetan, Mónica Rodríguez sormen-negozioetan adituak «artista marginala» delako ideia hautsiko digu —hildakoan bakarrik ospetsu bihurtzen den sortzailea—. Sortzaile garen heinean, denborarekin, diruarekin eta teknologia digitalekin harreman osasuntsu eta orekatu bat izateko gakoak eskainiko dizkigu, eta, gainera, oinarrizko finantza-aholku baliotsuak partekatuko ditu.
Horrez gain, Mónicak 2025eko irailetik 2026ko otsailera bitartean Karraskan Eskolaren barruan emango duen «Nola irabazi dirua Artearekiko maitasunagatik zure arima deabruari saldu gabe» sormenezko negozioetarako ikastaroa aurkeztuko dugu. Ikastaro horretan, 6 modulu espezializaturen bidez, gure indarguneak identifikatzen, emozioak eta estresa kudeatzen lagunduko digu.
Zoriontasun sortzailea eta finantzarioa guztiz bateragarriak dira!
EDUKIAK
2. Zergatik dirauen artista marjinalaren irudiak iruditeria kolektiboan —hil ondoren baino ez duelako ospea eta aberastasuna lortzen.
3. Zer da benetan “askatasun sortzailea”.
4. Zergatik izaten duten artistek harreman zaila denborarekin, diruarekin eta teknologia digitalekin.
5. Matematika ez dira finantzak.
6. Zergatik ez dugun finantza-hezkuntzarik, eta zergatik ez den sormen-sektorearen arazo esklusiboa.
7. Zergatik ahazten duten sortzaileek beraiei soldata ordaintzea lehentasunezkoa dela.
8. Zergatik diren sormen-negozioak bereziak: alde onak eta erronkak.
METODOLOGIA
- Ikus-entzunezkoak protagonismoa izango dute.
Edukiak berdinen artean partekatzen dira. “Elkarlanean aritzen naiz; ez dut irakasten”, azaldu du Mónicak.
- Aplikazio pertsonalizatua: eguneroko bizitzan berehala erabil daitezkeen ariketa praktikoen bidez.
HIZLARIA: MÓNICA RODRÍGUEZ
Artisau-produktuen marka propio bat sortu eta veoveo! aldizkaria autoeditatu ondoren, milaka ekintzaile sortzaileen prestakuntzan aritu da, Enpresa Sortzaileak eskola sortu eta zuzendu du, eta ekintzailetzari buruzko lau liburu argitaratu ditu.
Gaur egun, hitzaldiak eta tailerrak eskaintzen ditu unibertsitate, erakunde eta ekitaldi espezializatuetan.
Soilik izena emateagatik hau jasoko duzu:
LAGUNTZAILEAK:
