08/10/18 Karraskan # , , , , , , , , ,

KULTURA JASANGARRIAN BERRITUZ Jardunaldia

KULTURA JASANGARRIAN BERRITUZ Jardunaldia

KULTURA JASANGARRIAN BERRITUZ Jardunaldia- Kultura garapen jasangarriaren laugarren ardatz gisa erakunde sortzaile jasangarrietatik. 2018.10.18

Nola egin artea/kultura eta garapen jasangarriaren arteko lotura? Zer erasan du kulturaren eta sormenaren sektorean? Zer dagokigu eta zer egin dezakegu artista, kultura arloko kudeatzaile, bitartekari, komisario gisa? Zer zeregin izan dezakete kulturak eta sormenak? Nola sortu gizarte jasangarriagoa?

Denon erantzukizuna da eta kultura eta sormen arloko eragileok ekarpen handia egin dezakegu diziplinarteko lanak eginaz, elkarri lotutakoak eginaz eta lankidetzan arituaz.

Arte eta kultura arloko profesionalekin egin dugu programa bat; hainbat arlotakoak dira eta jasangarritasunaz eta aurrez aurre dugun erronka globalean izan dezakegun zeregin garrantzitsuaz arituko gara. Batetik, kultur eragileek beren zeregina beren-gain har dezatela gizarte jasangarrirako ereduak bilatuz eta bestetik, gizartea oro har eta erakundeak bereziki ohartu daitezela erakunde sortzaile jasangarriak sustatzearen beharraz.

 

JARDUNALDIAREN EGITARUA ESKURAGARRI HEMEN!!

 

> 09:30etik 14:00etara “Andres Isasi” udal musika-eskolan izango da Jardunaldia, – Las Mercedes kalea 6- 48930 Getxo. (Nola iritsi)

Bertan izango ditugu Alfons Martinelli, Idoia Postigo, Rosa Fernandez, Jéssica Domínguez eta Lucía Vazquez García.

 

> 14:00etatik 19:00etara Getxolanen izango da Jardunaldia – Ogoño 1- 48930 Getxo (Nola iritsi).

14:00Etatik 16:00etara Pic-Nic bat antolatuko dugu Getxolanen

Eta ondoren, 16:00etatik 18:00etara, “Pertsonengan berritzen” tailerrean parte hartzeko aukera izango dugu – Hakomi tailer hau Mindfulnessen oinarrituta dago eta David Medinak eta Carlos Ramirezek emango dute. “Komunikazioaren arazorik nagusiena da, ez dugula ulertzeko entzuten, baizik eta erantzuteko entzuten dugula”.

18:00etatik 19:00etara Elkarrizketa-askaria izango dugu, agurtzeko.

Parte hartzea doan da, izena ematea besterik ez da egin behar eta hemen egin dezakezu hori:

 

Formularioa

no responses
25/02/18 Karraskan

KULTURA MINISTERIOKO KULTURA ETA SORMENEKO IDAZKARIA ( NAZIOKO PRESIDENTZIA.ARGENTIN ERREPUBLIKA)

Lekuko kultura-ekosistemak azaleratzeko eta lotzeko estrategiak

Sormen-hirien Sare Programa  — Andrés Gribnicow, Kultur Ministerioaren Kultura- eta Sormen-Idazkaria, Nazioaren Presidentzia, Argentinako Errepublika.

Andrés Gribnicow Argentinako Kultur Ministeriora heldu zenean, 2016an, sormen- eta kultura- ekosistema hiriburura bideratuta zegoen, gainerako herrialdea lurralde zabala, arroztua eta desberdina gisa zirudien bitartean. «Bere lanetik bizitzeko aukera zuten bakarrak Buenos Airesen bizi zirenak ziren, kultura-ehunaren gainerako agenteak ez ziren ekosistema horren zati, ez baitzuten aukeretara heltzerik». Gaur egungo Kultura- eta Sormen-idazkaria Karraskan III. Berrikuntza eta Kulturaren Jardunaldietan modu horretan kontestualizatu egiten zuen beste lurraldeekin zerikusia duen eszenatokia, non lekuko administrazio askok kultura soilik aisialditzat ikusten jarraitzen zuten, «ekitaldien agenda», alde batera uzten transformatze-tresna gisa zein gizarte- eta ekonomia-garapenerako ardatz gisa duen papera.

Aldi berean, Gribnicowek azaltzen zuen moduan, Argentina kalitatezko kultura- eta sormen-edukien sortzailetzat ezagutzen da nazioartean. ICCen sektoreak Balio Erantsi Gordinaren % 2.5 da eta 400 000 lanpostu inguru sortzen ditu. Lan horren % 25 ikus entzumenezko sektoretik dator, bere kultura-eragile handia baita, arte eszenikoetatik ere — 250 antzerki areto independenteekin, zirkuitu publikoez gain—, edo bideo-jokoetatik eta eduki digitaletatik — azken hamarkadan sortutako 200 garapen-estudio—,Argentinako giza- eta ekonomia- ehunean kulturaren presentzia handiaren eredu dira.

Hau da Andrés Gribnicowek Karraskan topaketan margoztu zuen abiapuntua, bere taldeak Argentinako Ministerioko Sormenezko Ekonomiaren Idazkariordetzak abian jarri zuen estrategia. Kulturaren garrantzia nabarmentzea eta bide berriak sortzea zenbait lurraldetik hedatzeko zen erronka. Gribnicowen hitzetan, «hiri bakoitzak ekoizten duena ezagutzen hastea hortik jarduteko, ikuspuntu horretan oinarritu zen Sormenezko Hirien Sarea programa».  Estrategia 2016an jarri zen abian denbora zehar bere kabuz hasteko gai litzatekeen sare bat sortzeko asmoarekin. Ibilbidearen hirugarren urtea hasteko zorian, «interesgarriena da euren artean gertatzen dena, hirien artean ematen diren esperientziak eta ezaguerak partekatzea».

Programa zortzi nodoetan sostengatzen da, zortzi hirietan, sortzaile eraginkorrak direnak eta garapenaren ardatzat kultura sartu dutenak. Haien inguruan, eta deialdien bidez, ikuspegi horretara batu nahi diren hiriak aukeratzen dira, gaur egun 46 hiriz osatutako sarea. Gribnicowek azaltzen zuen bezala, estrategia bost ardatzetan biltzen da: Sormena eta Gobernua, Elkarlana, Sormen-industrien Garapen Sektoriala, Kultura-turismoa Bultzatzea eta Espazio Publikoa. Bakoitzean, formakuntza planak, laguntzeko ekintzak, aholkularitza eta sektore-ekitaldiak garatzen dira.

Kultura eta Sormen idazkariak zenbait eredu eman zituen abian jarritako ekintzei buruz, hala nola, komunitate-sustatzaileak prestatzeko tailerrak, zeinetan komunitate txikien sustatzaileek baliabideak antolatzeko eta bilatzeko tresnak lortzen dituzten.  Lurraldean jarduten dauden agente independenteen mapaketa bat egin da ere, udalen kultura-politikek kontuan har ditzaten agente horiek. Gainera, azokak identifikatzen hasi dira, besteak beste, liburuen, arte eszenikoen eta bideo-jokoen merkatuak, sektorearen topaketetan bihur daitezen eta profesionalen arteko lotura- eta elkarlan-espazioak sortzeko. Azoka eta merkatu hauek MICA estatu-sarean bildu dira, non sektorearen 50 ekitaldik parte hartzen duten.

Bestalde, Kultura-turismoaren estrategiaren barne, abian jarri dira identitate-diseinuaren aholkularitzak, zeinetan erakundeak, elkarteak eta herritarrek parte hartu duten ikono berriak batera sortzeko, hiria topikoetatik harantz irudikatzen dutenak. Kreazio-denden kontzeptuarekin, teknologietan trebatzeko tailerrak jarri dira habian, baita lekuko kultura saltzen duten saltokietara zuzendutako negozio-eredu eta komunikazioak.

Estrategia guzti horiek lerrokatuta daude politika publiko batekin, «gertuago dagoena edukiez azpiegiturez baino, inbertsio handiak behar dituztenak eta gero kutsa hutsetan bihurtzen direnak», azaltzen zuen Getxon Andrés Gribnicowek Karraskan Jardunaldian. «Hiri sortzailearen ezaugarriaren atzean, agente sortzaileen mapa bat dago, lekuko produkzioak daude, denda sortzaileak, merkatuak,… Garapen-agenda bati lotuta lan egiten duen ekosistema bat dago. Agenda horretan kultura, giza-, ondare eta- esperientzia-balioa izateaz gain, ekonomia garatzeko eta lanpostu berriak sortzeko aukera ere bada».

 

no responses
25/02/18 Karraskan

BERRIKUNTZA ETA KULTURAREN III. JARDUNALDIA .”KULTURA ETA SORMEN EKOSISTEMAK : INPLIZITUA AZALERATU”

Inplizitua azaleratu

Karraskan Berrikuntza eta Kulturaren III. Jardunaldia

Azaroaren 25ean Berrikuntza eta Kulturaren III. Jardunaldia ospatu zen Getxon, Karraskan elkartearen eskutik. Kultura eta sormen ekosistemak: inplizitua azaleratu zen topaketaren izenburua, zenbait kultura- eta sormen-agenteak nabarmentzeko antzematutako beharrari erantzuten, disziplinak eta sektoreak gurutzatzean lan egiten dutenak, eta sarritan sailkapen tradizionaletan lekurik ez dutenak. Jardunaldiaren puntu nagusienetako bat izan zen Kultursistemaren aurkezpena, Karraskanek garatutako tresna agenteak mapeatzeko kultura- eta sormen-ekosistemetan. Baina topaketak balio izan zuen ere elkarrizketa espazio giza, zeinean kultura-politika publikoak eraikitzeko beste moduekin zerikusia zuten hainbat estrategia, ikuspuntu eta proiektu partekatu ziren.

«Karraskanen sektorearen transformazioa kezkatzen gaitu, erakunde txikiak baina gogotsuak gara eta ikuspuntu horretatik nabarmendu egin nahi ditugu sektorearen dibertsitatea sortzen duten errealitate hibridoak, mestizoak eta periferikoak», azaltzen zuen topaketaren hasieran Roberto Gómez de la Iglesiak, elkartearen buruak, «sormena , arteak eta kultura funtsezko faktoren diren giza- eta ekonomia-ereduaren transformazioan sektore gisa eduki nahi dugun papera aldarrikatzearekin zerikusi handia dute jardunaldi hauek».

Jardunaldiaren hitzaldiek markatu zituzten gaitetako bat izan zen fokua kultura- eta sormen-industrien gainean aukera-eremu gisa, Eusko Jaurlaritzaren eskutik Espezializazio Adimenduneko Estrategiara, RIS3ra, ICCen sektorea gehitzeari lotuta dagoena. Ermatearekin zerikusi handia duten roletara zuzendutako kulturarekin lotutako politika publikoak transformatzearen beharrari buruz aritu ziren debateak ere.

Karraskan III. Jardunaldiaren aurkezpenean parte hartu egin zuen Andoni Iturbek, Bizkaiko Foru Aldundiko Kulturako zuzendari nagusiak. Politika publikoen muinean, K, kulturan, jarri behar dugula nabarmendu zuen Iturbek. «Ezaguerara lotutako lanen % 40 desagertuko dira; hortaz, etorkizunean benetako balioa sormena izango da, ikusi behar dugu nola garen gai sormena azalarazteko, gizartean zein ekonomian benetako inpaktua izan dezan». Bertan egon zen baita Getxoko Udalaren Kultura zinegotzia, Koldo Iturbe, administrazioetan betidanik eduki den kultura-sektorearen ikuskera zabaldu behar dela adierazi zuena, «kultura-zinegotzigoek urte askoren zehar ulertu dutena baina askoz gehiago da kultura, eta jardunaldi hauek beste ikuspuntu bat aurkeztu nahi dute, erakusten errealitateak zenbait agente dituela». Zinegotziak udalbatzak kulturaren eremuan martxan dituen estrategiak aurkeztu zituen, Kultura Plana adibidez, hainbat agenteekin eta Udalaren beste sailekin batera garatuta; eta Getxo 2020 Estrategia, ICCak bere ardatzetako baten gisa daukana.

Jardunaldiak Andrés Gribnicowren, Argentinako Errepublikako Kultur Ministerioaren Kultura- eta Sormen-idazkariaren, hitzaldia izan zuen. Gribnicow herrialdearen kultura-kontestua laburtu zuen, nazioartean bere kultura-ekoizpenaz ezagutzen dena, baina hiriburuan asko zentralizatzen dena, ondoren Red de Ciudades Creativas [Sormenezko Hirien Sarea] proiektua aurkezteko. Estrategia honek, Kultur Ministerioaren Sormenezko Ekonomia-idazkariak bultzatua, kultura gizartearen eta ekonomiaren garapenaren ardatzat hartzen duen ideiapean lotutako hirien ehun baten sorkuntza ekarri du. Estrategiak badauzka agenteak prestatzeko eta trebatzeko programak, tailerrak komunitate-eragileentzat, merkatu espezializatuak bultzatzen ditu eta identitate berriak sortzen ditu modu kolektiboan. «Hirietako sormen-agenteen eta ekosistemen mapa sortzean oinarritzen da, zeinetan kultura, balio batez gain, ekonomia garatzeko aukera gisa ikusten den», azaltzen zuen Andrés Gribnicowek.

Roberto Gómez de la Iglesia, Karraskan elkartearen burua, eta Iranzu Guijarro, Kultursistemaren koordinatzailea, tresna berri hau aurkezteaz arduratu ziren. Proposamena sailkapen sistema bat sortzean oinarritzen da kultura- eta sormen-ekosisteman mapeatzeko gaur egun kultura-sektorearen sailkapen sistemetan azaleraturik gabeko agenteak kontuan hartzen. «Konturatu ginen azkok izenik ez genuela; beraz, taxonomia berria sortzeko helburua hartu genuen, kultura- eta sormen-ekosistema anitza modu errealagoan interpretatzea uzten diezaguna», azaltzen zuen Roberto Gómez de la Iglesiak. Aurten otsaila eta maiatza bitartean, Karraskanek tresnaren lehenengo testeoa egin zuen. Gainera, lehenengo mapaketa eta tresna bera ere Karraskan elkartearen webgunean aurkitu daitezke. Jardunaldian lan-tailer bat egin zen, Kultursistema praktikan jartzera zuzenduta zegoena eta Colaboraborako Ricardo Antónek bideratu zuena. Topaketan egon zirenek tresna berri hau testeatzeko aukera izan zuten.

Sektorearen eta bere sormenezko kultura-industrien eta dibertsitatearen inguruko politiken mahai-inguru bat egon zen ere topaketan, zeinean María Camino Barnecillak, Nafarroako Gobernuko Baliabideen eta Garapen Estrategikoaren Ataleko Buruak, José Ricak, Getxoko Udaleko Sustapen Ekonomikoko teknikariak eta Pau Rausellek, Balentziako Unibertsitateko Econcult Kulturaren Ekonomiaren eta Turismoaren Unitatearen koordinatzaileak, hartu zuten parte. María Camino Barnecillak azaldu egin zuen azken urteotan bultzatutako politika publikoetan eman den ikuspuntu aldaketa. «Erakunde publikotik ulertzen dugu kultura-teoriatik azaleratu behar garela, modetan erortzea saihesten», azaltzen zuen Barnecillak, «emaile moduan, kultura-politika zuzenen eta zeharkakoen bidez, kultura- eta sormen-industriak laguntzeko, baita ekosistemen taldea ere, gero eta zeharkakoagoak direnak eta disziplina anitzagoak dituztenak».

José Ricak 2020 estrategia azaldu zuen, udalbatzaren Sustapen Ekonomikorako Sailak bultzatua eta bere ardatzetako bat kultura- eta sormen- industriak direnak. Planak badauzka formakuntzarako programak eta praktika egokien trukea, gainera, kultura-ekintzailetza laguntzen du. Azkenik, Pau Rausellek kulturari buruz hitz egin zuen ekonomiaren giza-zientziaren ikuspuntutik, kultura-eskubideak ulertzen kultura-politiken helburu intrintsekoa bezala. «Konturatzen ari gara banakako eta taldeko ongizateari buruz daukagun pertzepzioak gero eta zerikusi gutxiago daukala dimentsio ekonomikoarekin eta gehiago sinbolikoarekin, plazerrarekin, konpromisuarekin eta esan nahiarekin, eta hori kulturaren arloa da». Debate-mahaian administrazio-prozesuen loturak aurkeztu ziren, baita kulturaren garrantzia eskatzen duen herritarren kritika beharrezkoa dela.

Karraskanerako, 2018ra begira, Rosa Abalek, bere koordinatzaileak, lan-planaren puntu nagusien aurkezpenarekin itxi zuen jardunaldia. Elkartearen estrategia kulturaren transformaziorako berrikuntzan oinarritzen da, Kultursistema prozesu hori, agenteen arteko elkarlana eta sektorearen profesionalizazioa bultzatzeko tresnatzat hartzen. Karraskan elkartearen koordinatzaileak adierazi zuen bezala, «eragina izan nahi dugu parte-hartzearen bidez transformatzeko».

no responses
25/02/18 Karraskan

KULTURISISTEMAREN AURKEZPENAREN KRONIKA

Kultursistema, tresna bizia sektorea azaleratzeko

Kultursistema kultura eta sormen ekosistemak mapatzeko tresnaren aurkezpena — Roberto Gómez de la Iglesia, Karraskan elkartearen burua, eta Iranzu Guijarro, Kultursistema proiektuaren koordinatzailea.

«Izenik gabe, izaterik ez». Hori da Karraskan tresna bat sortzearen abiapuntua, kultura eta sormen ekosistema osatzen duten, eta gaur egun sailkapen tradizionaletatik kanpo dauden, agenteen dibertsitate handia islatzea ahalbidetzen duen tresna. Roberto Gómez de la Iglesiak Kultursistemaren aurkezpenean azaltzen zuen bezala, «konturatu ginen askok izenik ez genuela sailkapen horietan; beraz, berriz pentsatu behar genituen».

Une egokia da, III. Karraskan Jardunaldian adierazi zen legez, gaurko kontestuak kultura eta sormen sektorean jarri du arreta batez ere erakunde publikoen aldetik baita eremu pribatuen aldetik ere. Baina, Karraskan elkartearen buruak azaldu zuen bezala, horrek arriskua dakartza. Sektorea interpretatzean funtsezkoenetako bat sinplifikazioa da, «dimentsio ekonomikoa garrantzitsua izan arren, bakarra ez delako», eta horri lotuta, industria-logikak erabiltzea gutxik eutsi ahal edo nahi ez dituzten ekosistema batean. «Startup teknologikoen logikak erabiltzen gaude kultura-ekintzailetzan, non lan egiteko moduak oso desberdinak diren».

Kultursistema taxonomia berria sortzeko proposamena da, kultura-ekosistema interpretatzea ahalbidetzen duena, «inplizitua azaleratzeko» eta sektorearen dibertsitate handia agerian jartzeko. Helburua anizkuna da, kultura-ekosistemen konplexutasuna ulertzen laguntzea kultura-politikak hobeto zehazteko, baita autodiagnostikoa instrumentu bezala erabiltzeko eta agente bakoitzak non egon nahi duen berriz pentsatzeko aukera izan dezala. «Norbaiti zerbaiti dagokionez bere burua aintzat hartzea eskatzen diozunean, baliteke lehenengo aldiz horrek bere irudikeriaren zati den ala ez pentsatu dezan modua izatea», adierazten zuen Gómez de la Iglesiak.

Kultursistema tresnak sailkapen bat proposatzen du, bost sektoretan eta 31 azpisektoretan banatuta eta bi ardatzez zeharkatuta dagoena: espazioak eta plataformak; eta erregulatzeko, sustatzeko eta bultzatzeko agenteak; baita balio-katerako 14 ekarpen-eremu. Adierazleez baizik, Kultursitema garatu duen taldeak erreferentzia-itemez hitz egitea nahiago du, autodiagnostiko subjektibo bat baita. Baina horregatik guztiagatik ez dio ondorio interesgarriak emateari uzten sektoreak bere burua nola ikusten duenari buruz, bere errealitatearen irudi zehatzagoa lortuz. «Lurralde baten ekarpen guztien irudia batzen badugu, ikusi dezakegu zer sektore dauden gehien adierazita edo azpiadierazita, zer kate-mailek duen presentzia gehien eta zeintzuk dauden hutsik», adierazten zuen Roberto Gómez de la Iglesiak, «hau interesgarria da jardun-politikak aurkezteko baita aukera-hutsuneak antzemateko».

 

Tresnaren lehenengo testeoa

Aurten urtarriletik maiatzera Kultursistemaren lehenengo kontrastea egin zen lurraldearen kultura- eta sormen-ehunarekin, batez ere Euskadin ardaztua zegoena, baina Iparraldeko, Nafarroako, Errioxako eta Kantabriako agenteak kontuan hartzen zituena. Prozesuan 326 pertsonek hartu zuen parte eta informazio baliotsua lortzeko baliagarria izan da tresna doitzen jarraitzeko. Iranzu Guijarrok, proiektuaren koordinatzaileak, jardunaldian testeo horren emaitza nagusiak azaldu zituen. «Tresnaren ahalmena eta mugak ezagutzeko eta garatu nahi duguna jakiteko baliagarria izan da».

Bere lehenengo bertsioan, Kultursistemak sektorearen dibertsitate handia erakusten du, baita jarduera-espazioak ere, zeinetan agenteak bilduta dauden. Sorkuntzarekin eta sormenarekin lotura dituzten eremuak gehien adierazita daudenak dira, industria, teknologia edo eskulangintza askoz gutxiago berriz, baliteke, Guijarroren hitzetan, «interpelatuak sentitu ez direlako izatea, baina bertan egotea nahi dugu». Tamainari dagokionez, pertsona autonomo eta mikroenpresa ugari daude, 1 eta 4 arteko langileko proiektuetako 246 agenteekin, eta gehiengoak adierazi du urtean 100 000 euro baino gutxiagoko enpresa-fakturazioa duela.

Mapaketa horrek erakutsi du gainera disziplina eta zerbitzu anitzeko agenteen ekosistema bat, ia % 70 bi sektore baino gehiagotan eta % 20tik gertu tresna bat daukaten bosten artean kokatu direnez gero. «Geure interpretazioa da autoekoizpen- eta autogestio-logiketan lan egiten dugula, do it yourself-arekin eta do it with others-arekin zerikusia dutenak». Balio-kateari dagokionez, antzeko zerbait gertatzen da, partehartzaileen % 38 bost kate-maila baino gehiagotan kokatu baita, eta % 35 hamar baino gehiagotan. «Horrek hausnarketa irekitzen du zerbitzu aniztasunerako joeraren inguruan, baita balio-katearen barruan geure proposamena non kokatzen den inguruan ere. Gai izan behar dugu egin behar duguna eta aurkezten duguna desberdintzeko, eta hori geure indar nagusi gisa ikusteko», azaltzen zuen Kultursistemaren koordinatzaileak.

Inpaktuak zeinetan agenteak ongien baloratu diren izan dira ekarpena kulturaren zein lekuaren garapenera eta giza-berrikuntzara, baita elkarlana ere. Agente gutxien dituzten puntuek dira, ordea, lanaren sorkuntza, ekonomia-kontribuzio kuantitatiboa eta beste sektoreekiko kontribuzioa. «Testeo horri esker agenteen jarduera eta tipologia berriak antzeman genituen, eta ekosistemaren ahalmena ikusi dugu» azaltzen zuen Iranzu Guijarrok, «baina Kultursistema tresna bizia eta irekia da; hortaz, aurrera goaz».

Tresna, autodiagnostikoaren gida praktikoa eta lehenengo mapaketaren kontraste-txostena eskuragarri daude Karraskan elkartearen webgunean. Kultursistema Karraskan elkarteak 2016ko irailetik eta 2017ko uztailera garatutako proiektua da Eusko Jaurlaritzaren Kultur Sailaren eta hiru Foru Aldundien (Bizkaikoa, Arabakoa eta Gipuzkoakoa) laguntzarekin.

no responses
25/02/18 Karraskan

SEKTORE AZTERTZEKO MAHAIA-INGURUA KULTURA ETA SORMEN ARLOKO INDUSTRIETAKO POLITIKAK ETA DIBERTSITATEA AZTERTZEKOA

Kultura eskubide gisa eta bere lekua plangintza publikoan

Sektorearen eta bere politika publikoen analisiari buruzko mahai-ingurua.

Karraskan Berrikuntzaren eta Kulturaren III. Jardunaldiak mahainguru bat eskaini zion kultura-politika publikoak aztertzeari zenbait ikuspuntutik, bai lekuan, eskualdean zein inbestigazio akademikoaren eremuan. Horretarako, María Camino Barnecillak, Nafarroako Gobernuko Baliabideen eta Garapen Estrategikoaren Ataleko Buruak, José Ricak, Getxoko Udaleko Sustapen Ekonomikoko teknikariak, eta Pau Rausellek, Balentziako Unibertsitateko Econcult Kulturaren Ekonomiaren eta Turismoaren Unitatearen koordinatzaileak hartu zuten parte.

 

Errazteko rola

Hitz egin zuen lehena María Camino Barnecilla izan zen, Nafarroako Gobernuko Kulturako Zuzendaritza Orokorrak zenbait urtez burutzen ari den transformazioa azaldu zuena. Jardunaldien izenburuaz gero, Barnecillak honako hausnarketa proposatu zuen, «erakunde publikoak nondik azaleratu behar dugu?». Hasteko, Baliabideen eta Garapen Estrategikoaren buruaren arabera, ICCen gaur egun goraldiarekin zerikusia duten modetan erortzea saihesten. Halaber, errazte zuzeneko eta zeharkako rol batetik, «Kultura- eta Sormen- Industriak, baita gero eta zeharkakoagoak diren zein diziplina anitzagoak dituzten kultura-ekosistemak ere» laguntzea ahalbidetzen duena. Kulturako Zuzendaritza Orokorra gaur egun aldaketa-prozesuan dago, sektorearen giza-, kultura- eta ekonomia-ikuspuntua daukana, «beti kontuan izanda geure helburua zerbitzu publikoa eta guztien ongia dela». RIS3 Espezializazio Adimenduneko Estrategiatik gobernu-mailan eta ardatz estrategiko gisa kultura- eta sormen- industriak sartzeak ikuspuntua indartu du.

Barnecillak azaldu zituen abian dituzten zenbait proiektu, hala nola, sortzaileen eta ekipamenduen mapa sortzea, Nafarroako Enplegu Behatokiarekin, Lanbide Heziketarekin eta Unibertsitateekin batera lan egitea lan-aukera berriak aurkezteko, kultura-bitartekaritzarekin lotura dutenak; edo 948Merkatua arte-azoka bultzatzea, disziplina guztiei zein beste ekonomia-sektoreei irekita dagoen topaleku gisa bideratzen dena.

Zeharkako politiken planotik, Barnecillak lurraldean eragina izan duten bi proiektu estrategikoen ereduak eman zituen. Alde batetik, 2014ko Kultur  Mezenasgoari buruzko foru legea, lekuko kultura-ondarera lotutako giza-ehunean erantzukidetasuna sortzea lortu duena, 1.2 milioi euro dohaintzetan lortzen 2016an. Bestetik, zinematografia-sektorerako pizgarri fiskalak, filmazioak eta turismoa erakartzeaz gain, Nafarroako ikus-entzunezko klusterra sortzea eragin duena.

 

Lekutik bultzatu

Udal-esparruan, José Ricak partekatu egin zuen Getxo 2020 Estrategia, udalerrian Udalaren Sustapen Ekonomikorako Sailak bultzatuta. Planaren ardatz nagusietako bat sormen- eta kultura- industriak dira, baita kultura-turismoa eta kirola ere, ekintzailetza eta berrikuntza bultzatzeko ikuspuntuarekin. «Geure erronka zera da mikroenpresei eta ekintzaileei zerbitzuak eskaintzea, elkarlaneko ekintzak errazten eta bultzatzen». Estrategia 2013 eta 2015 bitartean garatu zen eta gaur egun hedatze-prozesuan dago, sektorea formakuntzaren bitartez profesionalizatzeko helburua duten ekintzekin, praktika onak partekatzeko jardunaldiekin eta ekintzaileei zuzendutako laguntza-lerroekin.

Kulturarako eskubidea

Pau Rausellek, Econculten koordinatzaileak, eman zuen azken hitzaldia. Estatu-mailan, baliteke Europa-mailan ere, gizarte-zientziaren ikuspuntutik kulturaren analisi ekonomikoko metodologiak garatzen lehenengoa izan zen unitate hau, bere inpaktu ekonomikoa baino askoz gehiago barne hartzen dituen ikuspuntua. «Kultura-politikaren eta kultura-plangintzaren esanahian, horretan jarduten dugu», azaltzen zuen, «eta 20 urtez basamortuan zeharkaldian egon ondoren, orain bogan gaude, Europako ia proiektu guztietan sormen, berrikuntza eta kultura hitzak agertzen baitira».

Econculten koordinatzailearentzat, kultura-plangintzaren helburu intrintsekoa «herritarren kultura-eskubideak asetzea» izan behar du, inbestigazio-taldeak hiru printzipioetan banatzen duen ikuspuntua. Lehenik, izateko eskubidea, identitate propioa eta taldekoa sortzea bezala ulertuta, non politika publikoek dibertsitateei arreta jartzen identitate hori eraikitzeko beharrezko baliabideek eskaini behar dituzten. Bigarrenik, partehartzeko eskubidea, kultura-politiken definizioan baita. Azkenik, kultura-adierazpenen bidez sentitzeko eta gainerakoekin komunikatzeko eskubidea. «Konturatu gara banakako zein taldeko ongizate dugun ulertzeko moduak gero eta lotura gutxiago daukala dimentsio ekonomikoarekin, eta gehiago sinbolikoarekin, plazerrarekin, konpromisoarekin eta zentzuarekin, eta hori kulturaren saila da», azaltzen zuen Rausellek. Beraz, ekonomia-sistema ongizatea hobetzeko modua bada, kultura hori lortzeko tresnarik eraginkorrena bihurtzen da.

«Kontua da kulturak beste hainbat gauzetarako balio duela, espektro zabaleko antibiotikoa balitz bezala». Ekonomistak azaltzen zuen bezala, badago ebidentzia kulturaren gaitasunari buruz garapen ekonomiko eta ekoizpen-tasa bizkortzeko lurraldeetan, Europa-mailan egindako ehunaka inbestigazioetan bilduta. Baita lana sortzeko ere, «kalitatekoa ez izan arren, kalitatekotzat hartzen dena, lan-baldintzak txarrak baitira prestakuntza-mailari dagokionez, baina eremu honetan jarduten dutenak zoriontsuagoak dira».

Rausellek beste hausnarketa bat botatzen zuen ere, kultura eta turismoaren arteko binomioari lotuta, baita kultura- eta sormen-industriak bisitarien fluxua sortzeko tresna gisa erabiltzeari ere. «Turismo erakartzeko erabiltzen dugu kultura, balio erantsia sortzen duten sormen-sektoreak erabiltzen ditugu ekoizpen gutxiagoko sektoreak erakartzeko, eta alderantziz izan beharko litzateke».

no responses
10/10/17 Karraskan

Kultura Berrikuntzako III Jardunaldia Kultura eta sormen ekosistemak: inplizitua azaleratu

Euskadin oso aberatsak dira sormenaren ekosistema, kulturarena eta Industria Kultural eta Sortzaileak (IKS); aberatsak, dinamikoak eta trinkoak bezain heterogeneoak eta zatikatuak. Konplexutasun honen ondorioz, zenbaitetan zuhaitzek ez digute basoa ikusten uzten edo garrantzia handiegia ematen diegu espezierik nagusienei edo ikusgarrienei eta besteak ahaztu egiten ditugu, hain nabarmenak ez baitira, nahiz eta multzoa garatzeko, berritzeko eta birsortzeko funtsezkoak izan.

Aniztasun handi hori artatzea, esplizitu egitea, balioan jartzea oso garrantzitsua da, orain inoiz baino gehiago, kultura eta sormenaren arloak garrantzia hartzen ari baitira eta arreta handiagoa sortzen dute, Euskadiko espazializazio adimendunaren RIS3 estrategiaren barruan aukerak dituen lurraldeetako bat bezala sartu baita.

Eta hori da KARRASKANek antolatutako Berrikuntza eta Kulturaren III. Jardunaldiaren xedea: kulturara gerturatze polifazetikoa proposatu, dela gizarte kohesiorako eta komunitatea sortzeko bitarteko gisa, dela sistema tekno-zientifiko eta ekoizleen garapen ekonomikorako eta berrikuntzarako faktore gisa, eta jakina, subjektibitate berriak eta espazio sinboliko berriak sortu horietatik etorkizuna taldean irudikatzeko. Gainera, erreferentzia-markoa definitzen lagundu, ehunaren beraren ikuspegia sartuz. “Kulturalari” buruzko balizko joera erredukzionistak edota estereotipatuak arindu. Egon daitezkeen indarrak, aukerak, osagarritasunak, gainjartzeak edo gabeziak txikitu. Eta beraien ekosisteman eragileek zer zeregin izan dezaketen planteatu.

Jardunaldi honetan kulturalaren inguruko politika publikoen berri izango dugu, bere ekoizpen eta berrikuntza dimentsioan, eta KULTURSISTEMA tresna aurkeztuko da; era berean, mapaketako eta azterketako lehenengo ariketako emaitzen eta ondorioen berri izango dugu, 2017ko lehenengo hiruhilekoan egin baikenuen. Ekosistema aberats honen garapen jasangarrian sartuta sentitzen diren eragile guztiei zuzendutako jardunaldia.

 

KARRASKANEK antolatutako Berrikuntza eta Kulturaren III. Jardunaldiak
honakoen babesa izan du:
– Eusko Jaurlaritzako Kultura eta Hizkuntza Politika Saila.
– Getxolan. Getxoko Udala, sustapen ekonomiko eta enplegu zerbitzuak.
– Getxoko Udaleko kultura, euskara eta gazteria saila.
– Arabako Foru Aldundiko Euskara, Kultura eta Kirol Saila.
– Bizkaiko Foru Aldundiko Euskara eta Kulturako Saila.
– Gipuzkoako Foru Aldundiko Kultura, Turismo eta Kirol Departamentua.
– Eiken-Euskadiko ikus-entzute eta eduki digitalen clusterra

no responses
26/09/17 Karraskan # , , , , ,

KSI BERRITZAILE 2017 programa hasi da

Ostiral honetan, irailaren 22an, Eusko Jaurlaritzaren Kultura Sailak sustatuta KSI BERRITZAILE 2017 programaren aurkezpenean izan gara. Euskal KSIen ekoizpen sarearen garapena oinarri duen programa eta RIS3ren markoan kokatzen dena; harremanetan jartzen ditu ikuspegi profesional edota enpresa arlokotik kultura, teknologia, antolakuntza eta ekonomia arloko hobekuntza eta berrikuntza perspektibak.

KSI sareari diruz lagundutako zerbitzuak eskaintzen zaizkio programa honetan oso berariazko proposamenak dituzten lau agenteren bidez; funtsezko oinarri batzuk jartzeko balio du batez ere, KSI BERRITZAILE 2017ren datozen edizioetarako aukerak garatzeko lurzoru bat. Labur esanda, hau da zerbitzuen eskaintza

  • Transferentzia teknologikoa, mota askotakoa (IKT, big data, 3D, interakzioa…), Vicomtech-IK4k eta Tecnaliak eta proiektu zehatzak ezarri (hiru sakontasun edo dedikazio mailatan zabaltzen den eskaintza).
  • Antolakuntza mailako autodiagnostikoa KSIko erakundeei; Euskalitekin egingo da, Kudeaketa Aurreratuko Eredua erabiliz erreferentzia gisa (bi aukera daude, bata xumeagoa formulario bidez eta bestea formularioaz gain kontraste saioa duena).
  • Finantza-markoaren oinarrizko ezagutza eta hori kudeatzeko tresna xumeena, KSIentzako berariaz planteatuta, Elkargiren kontu izaten da trebakuntza eta lagun egite hori.

KARRASKAN gara sareko eragileen eta zerbitzuak eskaintzen dituzten arteko harremanak eskaini eta errazteko loturetako bat eta uste dugu presa egon arren (aurkezteko epeak urriaren 20an amaitzen dira gehienez eta jardueran guztiak 2017ko azken hiruhilekoan garatuko dira), KSI BERRITZAILE 2017 aukera egokia dela zerbitzu batzuetara gerturatzeko, izan ere, batzuetan jokoz kanpo geratzen gara (edo uzten gaituzte) edo zerbitzuetan sartzeko zailtasunak izaten ditugu edo ez dugu horien berri izaten. Ezagutza eta diagnostiko ariketa egiteko balio dezake, abian dugun zerbaitetan sakontzeko, baita aukera eta behar berriak hautemateko ere. Parte hartzea baliagarria izango da ekonomia eta enpresa arloko beste eremuekiko marko normalizatuago batean kokatzeko, zenbaitetan kultura arloa ez baitute behar adina aintzakotzat hartzen; era berean, kultura arlotik gure jardueren enpresa-dimentsioarekin zerikusia duten alderdi batzuk sustatzeko ere baliagarria izan daiteke.

KSI BERRITZAILE 2017ri buruzko informazio osoa, motak, baldintzak eta parte hartzeko epeak, webgune honetan daude argi eta garbi azalduta: ksiberritzaile.eus. KARRASKANen Iranzu Gijarro da erreferentziazko pertsona, horrek erraztuko die programan parte hartzea dela gure bazkideei dela gai honekin identifikatuta sentitzen diren beste erakundeei, hau da, “berrikuntza kulturan eta berrikuntzaren kultura” gaiaz ari gara eta hori da, hain zuzen ere, KARRASKANen gunea. Harremanetarako bere helbide elektronikoa hau da:ekosistemak@karraskan.org.

 

Programa bat estrategia oso baten barruan

Programari buruzko gai praktikoez gain, aipatu nahi dugu oso garrantzitsua iruditzen zaigula KSI BERRITZAILE 2017 ekimen bakandua ez izatea, baizik eta Eusko Jaurlaritzak KSIen inguruan estrategia bat koherentziaz garatzeko ekimen bat gehiago izatea, KSI horiek aukerarako esparru bezala hartuta.

Konbinatutako estrategia horrek esan nahi du, besteak beste, sailen arteko bokazioarekin ari dela lantzen eta ZTBESrekin (Zientzia Teknologia eta Berrikuntzaren Euskal Sarea) harremanetan; KSIen eragile adierazgarriekin pilotaje taldeak aktibatu dira; kultura eta sormen sarearekin harreman kapilarizatuagoa ezartzen ari da nodoen bidez (clusterrak eta profesionalen elkarteak, elkarteetatik harantzago iristeko asmoz); Sormen Lantegiak programaren aldeko apustua mantendu da; KULTURSISTEMA bezalako tresnen garapena babestu da; edo Creadis 3-Smart Creative Districs europar proiektuaren buru gara KSI beren RIS3etan sartu duten beste sei europar eskualderekin batera…

Eta gainera, oso garrantzitsua, hobekuntza jarraiturako borondate argia ikusten da, lehen instantzian proposatutakoa kualitatiboki sofistikatzekoa (nolabaiteko presa edo gabeziak onartzea ez da nahitaez txarra, proba-akats prozesuaren zati bezala hartzen bada, hasierako prototipoa testak egitearen bidez gero optimizatu ahal izateko). Hori dela eta, KSI BERRITZAILE 2017k etorkizun handia izan dezakeela uste dugu.

 

Puntu itsu batzuk

KARRASKAN gauzak errazteko lotura izateaz gain, KSI BERRITZAILE 2017an badugu beste zeregin bat ere, programaren azterketa kritikoa eta ebaluazioa egiten laguntzea. Programa abian jarri besterik ez da egin, baina hurrengo edizioetarako kontuan izan beharreko gai garrantzitsu batzuk aipatu nahi ditugu.

KSI BERRITZAILE 2017ko eskaintzan planteatu diren puntu itsu batzuei buruzko gaiak dira.  Eskaintzen denaren interesa baloratu nahi dugu (teknologia gogorrak, antolakuntza sistemak eta finantza gestioa), baina badira honakoetan eragina duten gabezia batzuk: 1) gure ustez estrategikoak diren ezagutza eremuetan, gizarte teknologiak edo teknologia bigunak esaten zaienetan eragina dutenak; 2) ehunaren esku jarri beharreko tresnak eta prozedurak, merkatua gogoan dela ahalmen berritzailea garatzeko.

Gabezia kezkagarri hauek KSI BERRITZAILE 2017an egotez gain, Euskadiko berrikuntza sisteman osoan eragina izan dezakete, dela ZER kontuan hartuta dela NOLA kontuan hartuta.  Bi gaiak elkarri oso lotuta daude, baina guk banaka azalduko ditugu:

  1. Gizarte-teknologiak edo teknologia bigunak deiturikoei lotutako esparrua.  Tecnalia eta Vicomtech-IK4 dira teknologia gogorren esparruarekin zerikusia duten guztiaz arduratzen direnak, baina horiez gain sorta zabala dago ukiezinekin, antolakuntza eta ekoizpen arloko eredu berrien garapenarekin, zerbitzuen diseinuarekin, gizarte eta giza zientzien elkarreraginerekin (kultura arloak zeresan handia du) zerikusia dutenak eta KSI BERRITZAILE 2017ren eskaintzatik kanpo geratzen dira, proiektu berritzaileak eta zerbitzu aurreratuak garatzeko potentzial handia izan arren. Beharbada gabezia honen arrazoia da gizarte-teknologiek eta teknologia bigunek ez dutela egiaz garrantzizko eta ordezkagarria izateko espaziorik ZTBESn edota ez dago horiekin harreman zuzena duen eragile homologatu bat bera ere.Eta arazoa da aipatzen dena ez dela egoten, bazterrean eta mendean ez bada. Horregatik hartu behar litzateke kontuan gabezia hau eta nola estali ikusi. Horretarako, lehenengo urrats gisa, lantalde bat egin daiteke gai hauen inguruan jada kokatuta dauden eragileekin, dela unibertsitateetatik dela APTES bezalako elkarteetatik edo KARRASKAN barruan gauden eragileetatik (c2+i, ColaBoraBora, Kultiba, Wikitoki…) ZTBESeko eragile bitartekariekin batera, hala nola, Innobasque. Horrela ezagutzaren alor hau definitu eta kokatu daiteke hasteko, ZTBESren barruan merezi duen txokoa egiteko (sartu beharreko eragileen tipologia eta aniztasuna kontuan izanez eta horretarako homologatu sarean) eta bere balio-ekarpen zehatza eta desberdina ulertu dadin ekoizpenaren prozesu berritzaileetan, antolakuntzakoetan, sozialetan, etab.
  2. Merkatura begira potentzial berritzailea garatzeko sarearen esku jartzeko tresnak eta prozedurak.  KSIen sareak gaitasun handia du ideiak eta prototipoak sortzeko, baita merkatuan proposamen berriak jartzeko ere; baina ondorengo urratsak emateko muga ugari du. Kalitatez egindako ideia onez gain, beharrezkoa da negozio-eredu berrien garapenean sakontzea, produktu eta zerbitzuen sistematizazio eta paketazioan, eskaintza pixkanaka eta anitza egitea, marketina eta komunikazioa hobetzea; era berean, aukera berriak garatzeko eragile eta diziplinen arteko lankidetza eta hibridazio harremanak indartu behar dira.Hori dela eta, berrikuntza teknologikoaz gain sektoreak behar duena bere eskaintza sofistikatzea da beharbada, sofistikatuagoa eta iraunkorragoa egiteko, aplikatua eta moldakorra, merkatura hobeto bideratua. Babes espezializatu hau ez dugu ikusi KSI BERRITZAILE 2017ren eskaintzan eta balio handikoa litzatekeela uste dugu.

Baina orain, hurrengo edizioetan pentsatzen hasi aurretik, KSI BERRITZAILEA 2017ren lehenengo edizio hau egin behar da arrakastaz. Eta badakizue KARRASKANen behar duzuen guztirako eta prozesua errazteko prest gaudela.

no responses
1 2 3 4 Next
Buscar
Noticias por fecha